abenteuer wien

kaum a woche in wien und scho in ersten wichtigen termin versaumt - obr worum seht mir o koa mensch dass die onmeldefrist fir di lva's scho seit 01.09. geat?! auf jeden foll geits ietz laut uni seite koane freien plätze mehr... -und di uni siete hot grot wartungsorbeiten -.-

wos tien fabi und lice in soan foll? klor, oas trinken gean! schädelweah am nächsten tog vorprogrammiert :-D auf jeden foll erstes top-lokal gfunden! :-)

da am somstog meine eltern mit mein restlichen zuig kemen sein, hoben mir mit insern koter no wohnung putzen gemiest - wos eher nit so fein wor :-D obr ietz glänzt olles, mei zimmer isch endlich wohnlich und i fühl mi scho wohler :-)

am obend wor mr mit meiner fam no in prater - und selbstverständlich schweizerhaus essen :-P (TOOOOOP!)

dr sunntog isch eher stressig ausgfollen, weil wegen koffer pocken, auraumen und hoam fohren. noch a ewigen autofohrt mit tausende stau's ietz endlach drhoam onkemen :-)

kaum drhoam, ols erstes bff meeting raucherstunde gemocht und drnoch di uni seite verfluecht, weil die dummen wartungsorbeiten natirlach nit pünktlich fertig woren -.- obr schau on: in dr STEOP geits koane platzbegrenzungen und soooomit sein mr ietz decht in dr ersten phase drin :-) gsd decht no plätze bekemen und es ollergeilste: longes wochenende im ersten semester, weil freitog freeeeeeei! :-)

somit steat mein weltcup wochenende drhoam fost nuicht mehr im weg :-)

obr ietz moch i amol no a woche urlaub in dr heimat und wers definitiv genieeeeßen, natur fahlt mr volle in wien...

uuuuund: ab negster woche geits ofter laufend fotos vo insre aktivitäten, weil älis hot ietz an usb-kabel :-P

der erste tog in wien - wor total stressig :-D

noch 6 stunden autofohrt bin i endlach in wien onkemen. nochdem i mi ongemeldet hon und mei gonzes zuig ins zimmer geplündert hon, sein mr - wie man ins nit onders kennt - ols erstes auf an aperol spritzer gongen :-D es zwoate wor natirlach sofort hardcore-shopping mit goti und cousine, ols kloanes dankeschön, dass se mit mir af wien gfohren sein :-)

noch an extrem stressigen tog hon i no mei zimmer etwas wohnlicher gstolten gewellt, sal isch mr ober nit gonz geglückt. deswegen hon i heit no in holben tog drmit verbrocht, mei zimmer auf vordermann ze bringen und mittlerweile fühl i mi scho wohler :-)

in zwoaten tog hon i eig lei mit schlofen, lebensmittel kofen und in dr sunne chillen verbrocht, immerhin mues is jo genießen, wenn i amol aweag sunna drwisch noch den summer :-D

mit di fotos schaugts die woche leider schlecht aus, weil i genie in usb-kabel von handy drhoam vergessen hon :-( obr da i jo an sunntog noamol hoam fohr (mei restliches gewond holen) nimm i nen det mit, dass i enk o mit fotos aweag aufn laufenden holten konn :-) see you!

abenteuer wien - here i go!

die vorbereitungen laufen auf hochtouren, die toge vergean viel ze schnell..

ordnung isch bekanntlich es holbe leben - bei mir herrscht olleweil chaos pur! (obr sal sein di meisten vo mir eh scho gewohnt und so wie man mi kennt, hon i in mein sauhaufen in totalen überblick - hoff i :-D)



hftl werchts in wien besser, sisch woas i no nit wie i dos aloane bewältigen sell.. eigentlach sellts fir mi mittlerweile koa problem mehr sein, epas aloane ze organisieren, obr wenns aso weitergeat wies ongfongen hot, woas i no nit wies wercht :-D

die vorfreude regiert in mein gewohnten chaos obr decht, es isch oafoch a wahnsinnige chance fir mi, in die selbstständigkeit ze starten und i wer versuechn, es beste draus ze mochen :-)

wie i mit mein hoamweah klor kemen wer, mocht mr an meisten ongst.. obr i zähl oafoch auf die unterstützung vo meine freinde und meiner familie, die mi olben super unterstützen - danke schon amol! <3