abenteuer wien

hello my friends :-D an sunntog wors also soweit: wien, für 4 wochen, von zuhause weck, für 4 wochen. also guet, dr start wor aweag onstrengend und nervig (zug gstopft voll, olle menschen ongepisst, u-bohn fohren mit an koffer, der ca 50 kilo schwar wor :-D und drnoch in a zimmer in der di luft gstonden isch - jo, i hon vergessen di vorhänge zue ze tien :-D) obr drnoch ischs eig sofort wieder guet gongen :-) no schnell an speck vo drhoam essen und drnoch sofort schlafi...

montog: zercht amol ausschlofen und drnoch schaugn, dass epas essbores in di wohnung kimmt :-) wor eig gonz fein, wieder amol aweag durch die stodt ze gean, lei es problem wor, dass i genie die folschen schuech ongelet hon, und mir di versen bluetig gerennt hon -.- folgedessen hobm mr natirlach hoam gemiest, meine fieße versargen und sein drnoch noamol gstartet :-) nommetog wor wiederamol soa typischer chillertog in dr wohnung :-)




jo, i hon wiederamol nit augeraumt :-D

es wetter wor total chaotisch, obr mir sein zuefällig genau in der stund, wos nit geregnet hot aweag an dr donaupromenade spazieren gongen :-)

znochts hoben mr nit gewescht wos tien und sein oftr kino gongen - der sool wor soooo zach, der hot oafoch iber 700 sitzplätze, sal sein meah wie es fmz-kino iberhaupt hot :-D